ازايك يا دكتور أو يا دكتورة 👋🏻
هبدأ كلامي معاك بسؤال مهم، وهقولك إجابته باختصار عشان عارف إنك مشغول وكدا 😁
ليه انضمامك لفريق ثواب في جمعية طبيب الخير هو أحسن حاجة ممكن تعملها السنة دي؟
عشان الحياة مش بس مذاكرة
فريق ثواب مش مجرد عمل تطوعي بتشارك فيه، ولكنه مساحة تخرج فيها من دوامة المذاكرة شوية.
هتتعرف على ناس من سنين مختلفة في الكلية هيساعدوك تطور من نفسك وتكتسب مهارات جديدة، وممكن كمان يساعدوك في المذاكرة برضو 😉
عشان وجودك هيفرق في حياة مرضى كتير
جمعية طبيب الخير متكفلة بحالات كتير من أصحاب الأمراض الوراثية والمناعية، وتطوعك في فريق ثواب هيساعدنا نوفرلهم علاجهم بدون انقطاع، بل ونتكفل بحالات جديدة.
عشان خطوة مهمة في كاريرك
طبيب الخير مش مجرد نشاط طلابي، ولكنها جمعية خيرية مرخصة من وزراة التضامن الاجتماعي.
والتطوع في الجمعيات الخيرية بيفرق جداً في ال CV بتاعك، وخاصة لو ناوي تسافر ✈️
يلا املا الفورم قبل ما تقفل عشان تشارك في خير وثواب كبيــــــــــــر، وتتعلم مهارات جديدة في نفس الوقت.